معزز صارفین ہماری ویب سائٹ اپ ڈیٹ ہو رہی ہے۔ اگر آپ کو ویب سائٹ دیکھنے میں دشواری پیش آرہی ہے تو ہمیں اپنی رائے سے آگاہ کریں شکریہ

مباحث (168)

  وقت اشاعت: 28 مارچ 2018

چیف جسٹس ثاقب نثار سے ون آن ون ملاقات سے پہلے وزیراعظم شاہد خاقان عباسی ہفتہ کے روز لاہور آئے۔ جہاں انہوں نے شہباز شریف کے طوفانی انداز میں لاہور کے گردونواح کے وورے کیے۔ اور وہ باتیں کیں جو خود کسی طوفان سے کم نہیں یا آنے والے کسی طوفان کا پیش خیمہ ضرور بن سکتی ہیں ۔ انہوں نے لاہور کے قریب واقع سندر انڈسٹریل اسٹیٹ میں ملک کے پہلے سی سی وی لائن اور ایلومینیم الائے مینوفیکچرنگ پلانٹ کا افتتاح کیا اور قوم کو بتایا کہ اس پلانٹ کی تنصیب سے بجلی کے پیداواری اخراجات اور ترسیل کے نقصانات کم کرنے میں مدد ملے گی۔ انہوں نے شہباز شریف سے ایک قدم آگے بڑھ کر اعلان کیا کہ آئندہ پندرہ سال کے لیے بجلی کی ضروریات کے پیداواری منصوبے مکمل کرلیے گئے ہیں۔

مزید پڑھیں

  وقت اشاعت: 18 مارچ 2018

سابق وزیراعظم نوازشریف کی صاحبزادی، شریف خا ندان کی مستقبل کی سیاسی امید، اور مسلم لیگ (ن ) کی ابھرتی ہوئی قیادت محترمہ مریم نواز اب ترازو لے کر عوامی جلسوں میں آگئی ہیں۔ راولپنڈی کے سوشل میڈیا کنوشن میں جب انہوں نے وہ ترازو لہرایا جس کا ایک پلڑا ڈائس کو چھو رہا تھا اور دوسرا ہوا میں ہچکولے کھا رہا تھا تو جماعت اسلامی کے لوگوں کو یقینا خوشی ہوئی ہوگی کہ اُن کا ا تخابی نشان اُن کے مخالفین کے ہاتھوں میں بھی آگیا ہے ۔ تاہم راولپنڈی شہر میں مریم نواز کا ترازو لہرانا حنیف عباسی کو پا نی پا نی کرگیا ہوگا جو کبھی ’’ترازو‘‘ کے نشان پر جیتے تھے اور اب ایک سیاسی خاندان کی ذہنی غلامی میں خوار و زار ہورہے ہیں۔

مزید پڑھیں

  وقت اشاعت: 09 مارچ 2018

سینیٹ کے حالیہ انتخابات کے بعد ایک نئے ہنگامے نے سر اٹھالیا ہے۔ لگتا ہے کہ ایک پنڈورا باکس کھل گیا ہے حالانکہ اِن انتخابات میں بھی وہی کچھ ہوا جو اس ادارے کے سابقہ انتخابات میں ہوتا رہا ہے۔ لیکن اِس بار کچھ ایسا ضرور ہوا ہے جس نے ملک کی سیاسی جماعتوں کو بھی سراپا احتجاج بنادیا ہے۔ حقیقت میں یہ ان ہی سیاسی جماعتوں کا ماضی کا کیا دھرا ہے جو اب خود ان کے قابو میں نہیں رہا۔ برائی اور خرابی کی خصوصیت یہی ہے کہ وہ کچھ عرصے بعد اپنے بانی یا موجد کے بھی کنٹرول میں نہیں رہتی اور اُسے بھی ڈس کر رہتی ہے۔

مزید پڑھیں

  وقت اشاعت: 23 فروری 2018

سپریم کورٹ آف پاکستان کی جانب سے سابق وزیر اعظم نوازشریف کو پارٹی صدارت کے لیے بھی نااہل قرار دیئے جانے اور 28جولائی کے عدالتی فیصلے کے بعد اس حیثیت میں ان کے تمام اقدامات کے کالعدم قرا پانے کے بعد ملکی اسٹیبلشمنٹ اور حکمران جماعت پاکستان مسلم لیگ (ن) کے درمیان جاری لڑائی انجانے خدشات کے ساتھ کچھ اورآگے بڑھی ہے۔ جبکہ نیب کی جانب سے پنجاب حکومت کے چہیتے بیوروکریٹ احد چیمہ کی ان کے دفتر سے گرفتاری نے اس لڑائی کے نئے رخ واضح کئے ہیں۔

مزید پڑھیں

  وقت اشاعت: 15 فروری 2018

پاکستان میں انسانی حقوق کی توانا آواز اور ریاست کے مقتدر اور طاقتور ستونوں کو بے خوفی سے چیلنج کرنے والی عاصمہ جہانگیر بھی اتوار11 فروری کو اُس انجانی دنیا میں چلی گئیں جہاں سے کبھی کوئی لوٹ کر نہیں آیا۔ وہ بغاوت، جرأت اور بے خوف جدوجہد کا استعارہ تھیں۔ یہ تینوں صفات انہیں تیسری نسل میں منتقل ہوئی تھیں۔ انہوں نے نہ صرف اپنے پرکھوں کی ان صفات کی بے جگری کے ساتھ حفاظت کی، بلکہ کسی حد تک یہ ’’جراثیم‘‘ نئی نسل میں منتقل کرنے میں بھی کامیاب رہیں۔

مزید پڑھیں

  وقت اشاعت: 09 فروری 2018

وزیراعظم شاہد خاقان عباسی نے دوٹوک انداز میں کہہ دیا ہے کہ حکمران جماعت پاکستان مسلم لیگ (ن) نے ابھی تک باضابطہ طور پر مستقبل کے وزیراعظم کے لیے کوئی نام فائنل نہیں کیا۔ شہبازشریف کا نام پارٹی کے سربراہ نوازشریف نے ایک میڈیا ٹاک میں ضرور لیا ہے لیکن پارٹی کی سینٹرل ایگزیکٹو کمیٹی یا سینٹرل ورکنگ کمیٹی نے اس طرح کا کوئی فیصلہ نہیں کیا۔ انتخابات کے بعد اگر پارٹی حکومت بنانے کی پوزیشن میں ہوئی تو پارٹی کی سینٹرل ایگزیکٹو کمیٹی اور سینٹرل ورکنگ کمیٹی اس معاملے پر غور کرے گی اور کوئی مناسب نام دے گی۔

مزید پڑھیں

  وقت اشاعت: 01 فروری 2018

اپنے لندن والے الطاف بھائی سے بہت پہلے پنجاب بلکہ پورے پاکستان میں ’’بھائی‘‘ کے نام سے مشہور ہونے والے منو بھائی بھی راہئ ملکِ عدم ہوگئے۔ اُن کی یہ حسرت اُن کے ساتھ ہی قبر میں اتر گئی کہ کوئی انہیں بیٹا،بابا، چاچا، ماما، تایا، دادا یا نانا بھی کہہ لیتا۔ ان کے قریبی دوستوں کے مطابق ان کی اہلیہ بھی جلدی یا غصے میں انہیں منو بھائی کہہ کر ہی پکارلیتی تھیں۔ وہ ایک بھرپور زندگی گزار کر اپنے رب کے حضور پیش ہورہے تھے۔ انہوں نے ادب، صحافت، تعلقاتِ عامہ، ایڈورٹائزنگ، تراجم، شوبز، ٹریڈ یونین اور خدمتِ خلق میں دیر تک یاد رکھا جانے والا کام کیا۔

مزید پڑھیں

  وقت اشاعت: 15 جنوری 2018

’’فاشسٹ وزیراعظم ذوالفقار علی بھٹو کو کوہالہ کے پل پر پھانسی دیں گے‘‘۔ اس جرأت مندانہ نعرے سے شہرت پانے والے ریٹائرڈ ایئر مارشل اصغر خان بھی 5 جنوری 2018 کو راہی ملکِ عدم ہوگئے۔ موت کے وقت ان کی عمر 97 سال تھی، اور ان کی 98 ویں سالگرہ میں صرف 12 دن باقی تھے جب انہوں نے راولپنڈی کے فوجی اسپتال میں زندگی کی آخری سانسیں پوری کیں۔

مزید پڑھیں

  وقت اشاعت: 21 2017

کمپیوٹر کی ایجاد کے بعد یورپ اور امریکہ میں توکتب بینی کی شرح میں کوئی خاص کمی نہیں آئی البتہ پاکستان جہاں پہلے ہی یہ شرح قابل رشک نہیں تھی، مزید گر گئی ہے۔ بزرگ نسل، اساتذہ اور علم و ادب سے وابستہ طبقے کو شکایت ہے کہ ہماری نئی نسل کتاب سے دور ہوتی جا رہی ہے۔ جبکہ نئی نسل کا کہنا ہے کہ نہ ایسی کتابیں لکھی جا رہی ہیں اور نہ ایسا ادب تخلیق ہو رہا ہے جسے ترجیحی طور پر پڑھا جا سکے۔

مزید پڑھیں

  وقت اشاعت: 09 2017

چودہ انسانی جانوں کے خون میں نہائے ہوئے سانحہ ماڈل ٹاؤن پر جسٹس نجفی رپورٹ منظرعام پر آگئی ہے، جس کے بعد ملکی سیاست خصوصاً پنجاب کی سیاست میں ایک نیا بھونچال آگیا ہے۔ 16،17 جون 2014 کو پاکستان عوامی تحریک کے مرکزی سیکرٹریٹ پر پنجاب پولیس کے دھاوے اور آپریشن کے نتیجے میں 14 بے گناہ افراد مارے گئے تھے، جس پر عوامی تحریک اور حکومت مخالف سیاسی جماعتوں کی جانب سے مسلسل احتجاج کیا جاتا رہا۔

مزید پڑھیں

Donald Trump's policy towards Pakistan

Donald Trump's; the president of US war of tweets was a fierce attack on Pakistan, accusing the country of "lies and deceit" and making "fools" of US leaders. Trump decla

Read more

loading...