فوری تبصرہ


  وقت اشاعت: 1 دن پہلے 

پاکستان پیپلز پارٹی کے چیئرمین بلاول بھٹو زرداری آج لاہور سے فیصل آباد تک احتجاجی ریلی نکال رہے ہیں۔ راستہ میں متعدد مقامات پر جمع ہونے والے لوگوں سے خطاب کرتے ہوئے انہوں نے کہا کہ پنجاب سے شہباز شریف اور مرکز سے نواز شریف کو ہٹائے بغیر ملک میں تبدیلی نہیں آسکتی۔ اس کے ساتھ ہی انہوں نے امید ظاہر کی کہ وہ اس سال کے دوران حکومت کو نئے انتخاب کروانے اور موجودہ سیاسی حکومت کا خاتمہ کرنے میں کامیاب ہو جائیں گے۔ بلاول بھٹو نے اپنے چار مطالبات منوانے کے لئے گزشتہ سال اکتوبر میں احتجاج شروع کرنے کا اعلان کیا تھا۔ اس دوران دسمبر میں بے نظیر بھٹو شہید کی برسی کے موقع پر آصف زرداری نے اعلان کیا تھا کہ وہ اور بلاول ضمنی انتخاب کے ذریعے موجودہ پارلیمنٹ کا حصہ بنیں گے۔

مزید پڑھیں

  وقت اشاعت: 1 دن پہلے 

مقبوضہ کشمیر کی وزیر اعلیٰ محبوبہ مفتی نے ریاستی اسمبلی میں تقریر کرتے ہوئے مقبوضہ کشمیر کو براستہ آزاد کشمیر سی پیک منصوبے کا حصہ بنانے اور اس طرح وسطی ایشیا کے ساتھ رابطہ استوار کرنے کی تجویز پیش کی ہے۔ ان کا کہنا ہے کہ وادی کشمیر روائیتی اور تاریخی طور سے وسطی ایشیا کے ساتھ رابطہ کا راستہ رہا ہے۔ دور حاضر میں وسطی ایشیا کے انرجی وسائل جنوبی ایشیا کے ملکوں کے لئے آسان اور سستا ذریعہ ہو سکتے ہیں۔ اس کے علاوہ ان ملکوں سے تجارتی سامان اس شاہراہ سے وسطی ایشیا کے وسیع علاقوں تک پہنچایا جا سکتا ہے۔ محبوبہ مفتی نے اس بیان میں دراصل اس تجویز کی تائد کی ہے جو پاکستان کی طرف سے گزشتہ برس پیش کی گئی تھی کہ بھارت بھی سی پیک کا حصہ بن جائے۔ تاہم محبوبہ مفتی کو تقریریں کرنے کی بجائے وزیر اعظم نریندر مودی کو اس معاملہ پر قائل کرنا چاہئے۔

مزید پڑھیں

  وقت اشاعت: 2 دن پہلے 

پاکستان کے وزیر برائے پانی و بجلی خواجہ محمد آصف نے کہا ہے کہ سندھ طاس معاہدے کی تمام شقات پر دونوں ملکوں کو حرف بہ حرف عمل کرنا ہو گا۔ پاکستان اس معاہدہ میں بھارت کی طرف سے کسی قسم کی تبدیلی یا اس بارے میں کسی عالمی دباؤ کو قبول نہیں کرے گا۔ پاکستان کو اس معاہدے کے بارے میں بھارتی وزیر اعظم نریندر مودی کے متعدد بیانات کی وجہ سے تشویش پیدا ہوئی ہے جن میں انہوں نے بھارت سے گزرنے والے دریاؤں کا پانی زیادہ سے زیادہ بھارت میں استعمال کرنے یا سندھ طاس معاہدہ کو نظر انداز کرنے کا اشارہ دیا تھا۔ پاکستان اور بھارت دونوں اس سلسلہ میں عالمی بنک سے رجوع کرچکے ہیں۔ بھارت معاہدہ کے تحت پاکستان کے حصہ کے دریاؤں پر ڈیم بنا کر اضافی پانی زخیرہ کرنے کے لئے بھی اقداما ت کررہا ہے۔

مزید پڑھیں

  وقت اشاعت: 3 دن پہلے 

امریکہ کے سبکدوش ہونے والے نائب صدر جو بڈن نے خبردار کیا ہے کہ جنوبی ایشیا میں جوہری تصادم کا حقیقی خطرہ موجود ہے۔ دنیا میں امن کے حوالے سے واشنگٹن میں ایک تقریب سے خطاب کرتے ہوئے انہوں نے کہا کہ صرف شمالی کوریا کی طرف سے جوہری ہتھیار حاصل کرنے کی سرگرمیاں ہی دنیا کے امن کے لئے خطرہ نہیں ہیں بلکہ پاکستان اور بھارت کے درمیان تنازعہ کی صورت حال کو دیکھتے ہوئے یہ قیاس کرنا مشکل نہیں ہے کہ اس خطے میں جوہری جنگ ہو سکتی ہے۔ پاکستان نے بھارت کی ’کولڈ اسٹارٹ‘ حکمت عملی کے جواب میں موبائل جوہری ہتھیار اور شارٹ رینج میزائل تیار کئے ہیں تاکہ بھارت کے حملہ کی صورت میں اس کی پیشقدمی کو روکا جا سکے۔ بھارتی فوج کے نئے سربراہ جنرل بیپن راوت نے گزشتہ ہفتے کے دوران ایک انٹرویو میں پہلی بار کولڈ اسٹارٹ اسٹریٹیجی کا اعتراف کیا تھا۔

مزید پڑھیں

  وقت اشاعت: 5 دن پہلے 

فرانسیسی حکومت کی دعوت پر آج پیرس میں ستر سے زائد ملک فلسطین کے مسئلہ کے حل کے لئے ایک کانفرنس میں شرکت کررہے ہیں تاکہ اسرائیل اور فلسطینی قیادت کے درمیان براہ راست رابطہ بحال کروایا جاسکے۔ اگرچہ اسرائیل اور فلسطینی لیڈروں کو اس کانفرنس میں مبصر کے طور پر شرکت کی دعوت دی گئی ہے لیکن اسرائیلی وزیر اعظم نے اس کانفرنس کو فرسودہ ہتھکنڈہ قرار دیتے ہوئے مسترد کیا ہے جبکہ فلسطینیوں کے صدر محمود عباس بھی کانفرنس میں شریک نہیں ہوں گے۔ البتہ وہ کانفرنس کے بعد فرانس کے صدر فرانسس ہولاندے سے ملاقات کریں گے۔ آئیندہ ہفتہ کے دوران روسی لیڈر بھی فلسطینی رہنماؤں سے مل رہے ہیں۔ مبصرین کا خیال ہے کہ اس کانفرنس کا مقصد امریکہ کے نئے صدر ڈونلڈ ٹرمپ کو یہ پیغام دینا ہے کہ فلسطین کے مسئلہ کا واحد حل دو ریاستوں کا قیام ہے۔

مزید پڑھیں

  وقت اشاعت: 5 دن پہلے 

ڈونلڈ ٹرمپ جمعہ کے روز امریکہ کے 45 ویں صدر کا عہدہ سنبھال لیں گے۔ پاکستانی سفارتی ذرائع واشنگٹن میں ہونے والی اس تبدیلی سے بہت پر امید ہیں اور ان کا خیال ہے کہ نئی امریکی انتظامیہ کے دور میں پاکستان اور امریکہ کے تعلقات بہتر ہوں گے۔ صدر باراک اوباما کے دور میں یہ تعلقات سرد مہری کا شکار ہوگئے تھے۔ امریکہ نے پاکستان کو ایف سولہ طیاروں کی خریداری کے لئیے مالی امداد دینے سے انکار کرنے کے علاوہ دہشت گردی کے خلاف جنگ میں ہونے والے اخراجات کی مد میں ادائیگیوں میں بھی رکاوٹ ڈالی گئی تھی۔ امریکہ کا تقاضہ رہا ہے کہ پاکستان قبائیلی علاقوں میں حقانی نیٹ ورک کے خلاف مؤثر کارروائی کرنے میں ناکام رہا ہے۔ بھارت کے ساتھ اوباما حکومت کے بڑھتے ہوئے تعلقات کی وجہ سے بھی پاکستان کو مایوسی کا سامنا کرنا پڑا تھا۔ تاہم قرائن یہی بتاتے ہیں کہ نئی امریکی حکومت پاکستان کے حوالے سے کوئی ڈرامائی تبدیلی لانے کا ارادہ نہیں رکھتی۔

مزید پڑھیں

  وقت اشاعت: 6 دن پہلے 

قومی کمیشن برائے انسانی حقوق پاکستان نے وزارت داخلہ سے گزشتہ دنوں کے دوران پانچ سماجی کارکنوں اور بلاگرز کی اچانک گمشدگی کے حوالے سے استفسار کیا ہے کہ ان لوگوں کو کن اداروں نے غائب کیا ہے۔ چند روز قبل جب اسلام آباد کے پروفیسر، شاعر اور ڈرامہ نگار و بلاگر سلمان حیدر اچانک غائب ہو گئے تھے تو وزیر داخلہ چوہدری نثار علی خان نے قومی اسمبلی میں بتایا تھا کہ وہ اس بارے میں پتہ لگانے کی کوشش کررہے ہیں اور امید ہے کہ انہیں جلد ہی رہا کردیا جائے گا۔ اس کے بعد سے مزید کئی بلاگرز اچانک غائب ہو چکے ہیں۔ ملک میں آزادی رائے اور انسانی حقوق کے لئے کام کرنے والے عناصر کو ان لاقانونی گمشدگیوں پر تشویش ہے۔ تاہم سوشل میڈیا پر اسے اسلام اور فوج کے خلاف بعض عناصر کی مہم جوئی اور اس کے خلاف جوابی کارروائی قرار دیا جا رہا ہے۔

مزید پڑھیں

  وقت اشاعت: 7 دن پہلے 

سپریم کورٹ آف پاکستان نے اسلام آباد کے ایک ایڈیشنل سیشن جج کے ہاں ملازمت کے دوران تشدد اورظلم کا نشانہ بننے والی بچی کو پاکستان سویٹ ہومز کے حوالے کرنے کا حکم دیا ہے تاکہ بچی چند روز خوشگوار ماحول میں رہ کر بیان دینے کے قابل ہو سکے۔ عدالت عظمیٰ از خود نوٹس کے ذریعے اس معاملہ کی سماعت کررہی ہے۔ چیف جسٹس ثاقب نثار نے اسلام آباد کے ڈی آئی جی کاشف اسلم کو کسی قسم کا اثر قبول کئے بغیر اس معاملہ کی مکمل تحقیقات کرنے اور اگلی سماعت پر تفصیلی رپورٹ عدالت کے سامنے پیش کرنے حکم بھی دیا ہے۔ سماعت کے دوران طیبہ کے والد نے عدالت کو بتایا کہ اس نے جس اسٹام پر انگوٹھا ثبت کیا تھا، اسے اس کے مندرجات کے بارے میں کوئی علم نہیں تھا۔ اس سے کہا گیا تھا اگر اس نے انگوٹھا نہ لگایا تو اسے بچی نہیں ملے گی۔

مزید پڑھیں

  وقت اشاعت: 11 جنوری 2017

وزیر اعظم پاکستان نے دعویٰ کیا ہے کہ وہ وقت دور نہیں ہے جب پاکستان اقلیتوں کے دوست ملک کے طور پر جانا جائے گا۔ چکوال میں ایک مندر کی تقریب سے خطاب کرتے ہوئے انہوں نے اقلیتوں کے حقوق پر زور دیتے ہوئے کہا کہ ملک میں ہر عقیدہ اور مذہب سے تعلق رکھنے والے لوگ مل کر ملک کی حفاظت اور خوشحالی کے لئے کام کررہے ہیں۔ وزیر اعظم نے یہ باتیں اس وقت کی ہیں جب اسلام آباد میں ان کے وزیر داخلہ سینیٹ میں یہ بیان دے رہے تھے کہ ملک میں فرقہ وارانہ تنظیموں کو دہشت گرد کہنا غلط ہے اور یہ کہ فرقوں کے درمیان تصادم تو تیرہ سو سال سے موجود ہے ، یہ کوئی نئی بات نہیں ہے۔ اپوزیشن نے چوہدری نثار علی خان کے اس اشتعال انگیز بیان پر سینیٹ کا بائیکاٹ کیا۔

مزید پڑھیں

  وقت اشاعت: 11 جنوری 2017

تھوڑی دیر پہلے کابل میں افغان پارلیمنٹ کے قریب دہشت گرد حملہ میں کم از کم تیس افراد ہلاک اور اتنے ہی شدید زخمی ہو گئے ہیں۔ طالبان کے ترجمان ذبیح اللہ مجاہد نے میڈیا کو ایک ای میل میں اس حملہ کی ذمہ داری قبول کی ہے۔ اور کہا ہے کہ اس حملہ کا مقصد ملک کے نیشنل ڈائیریکٹوریٹ آف سیکورٹی کے عملہ کو نشانہ بنانا تھا۔ تاہم خبروں کے مطابق مرنے والوں میں زیادہ لوگ عام شہری تھے جو اس وقت وہاں سے گزر رہے تھے۔ پولیس نے اطلاع دی ہے کہ ان دھماکوں میں این ڈی ایس کا ایک اعلیٰ افسر بھی ہلاک ہؤا ہے۔ گزشتہ کئی ماہ کے دوران کابل میں ہونے والا یہ شدید ترین حملہ ہے۔ اس کے اثرات افغانستان میں امن و امان کی صورت حال کے علاوہ پاکستان کے ہمسایہ ملک سے تعلقات پر بھی مرتب ہوں گے۔

مزید پڑھیں

Threat is from inside

Army Chief General Raheel Sharif assured the nation that country’s borders are secure and the army is aware of threats and intrigues of the enemies. Speaking at an even

Read more