ڈاکٹر روتھ فاؤ کی خدمات کا اعتراف، یادگاری ڈاک ٹکٹ جاری

  وقت اشاعت: 05 2017

کراچی: محکمہ ڈاک کی جانب سے ڈاکٹر روتھ فاؤ کی خدمات کا اعتراف، یادگاری ٹکٹ جاری کیے جانے کی تقریب، تقریب کے اختتام پر ڈاکٹر روتھ فاؤ سے موسوم یادگاری ٹکٹ کی رونمائی کی گئی۔

محکمہ ڈاک کی جانب سے یادگاری ٹکٹ جاری کیے جانے کی تقریب کا انعقاد ڈاکٹر روتھ فاؤ کے قائم کردہ میری ایڈیلیڈ لپوریسی سینٹر میں کیا گیا۔ تقریب کے مہمان خصوصی کراچی میں متعین جرمن قونصل جنرل رائنر شمیڈچن تھے جنہوں نے اپنے خطاب میں یادگاری ٹکٹ کے اجرا کو ڈاکٹر فاؤ کی خدمات کا اعتراف قرار دیا۔

ان کا کہنا تھا کہ پاکستان میں ڈاکٹر روتھ فاؤ کی لاتعداد خدمات ہیں اور اس طرح سرکاری سطح پر ان کا اعتراف کرنا خوشی کی بات ہے۔ ان کا کہنا تھا کہ دنیا سے جانے کے بعد بھی لوگ انہیں اور ان کے کام کو بھولے نہیں ہیں بلکہ آج بھی ڈاکٹر فاؤ لوگوں کے دلوں میں زندہ ہیں اور ہمیشہ رہیں گی۔

ایم اے ایل سی کے منتظم ڈاکٹر لوبو نے تقریب سے خطاب کرتے ہوئے کہا کہ پاکستان سے جذام کے مرض کا خاتمہ ڈاکٹر روتھ فاؤ کا مشن تھا اور ان کا یہ مشن ان کے بعد بھی جاری رہے گا۔

تقریب کے اختتام پر ڈاکٹر روتھ فاؤ سے موسوم یادگاری ٹکٹ کی رونمائی بھی کی گئی۔ محکمہ ڈاک کے پوسٹ ماسٹر جنرل اکبر علی نے یادگاری ٹکٹ جرمن قونصل جنرل کو پیش کیا جبکہ حکومت پاکستان جلد ڈاکٹر روتھ فاؤ کی انسان دوست خدمات کے سلسلے میں پچاس روپے مالیت کا ایک سکہ بھی جاری کرے گی۔

اسٹیٹ بینک آف پاکستان کے ترجمان عابد قمر نے جرمن نشریاتی ادارے سے بات چیت میں کہا کہ وزیراعظم شاہد خاقان عباسی کی ہدایت پر ڈاکٹر روتھ فاؤ کی قابل قدر خدمات کے عوض یادگاری سکہ جاری کیا جائے گا جس کی مالیت پچاس روپے اور تعداد پچاس ہزار ہوگی۔

انہوں نے مزید بتایا کہ سکے کا ڈیزائن ابھی ابتدائی مراحل میں ہےجس پر ڈاکٹر روتھ فاؤ کی تصویر کا عکس ہو گا۔ اس سے قبل رواں سال اکتیس مارچ کو اسٹیٹ بینک آف پاکستان نے سماجی خدمات کے عوض عبدالستار ایدھی کی یاد میں پچاس روپے کا سکہ جاری کیا تھا۔

ڈاکٹر روتھ فاؤ کو حکومت پاکستان نے انیس سو اٹھاسی میں پاکستان کی شہریت دی۔ لازوال خدمات کے نتیجے میں انہیں ہلال امتیاز اور ہلال پاکستان سے بھی نوازا گیا تھا جبکہ حکومت سندھ نے ڈاکٹر روتھ فاؤ کے انتقال کے بعد سول اسپتال کراچی کا نام ڈاکٹر روتھ فاؤ کے نام سے منسوب کر دیا ہے۔

آپ کا تبصرہ

Growing dangers of Islamist radicalism on Pakistani politics

Mr Arshad Butt is an insightful observer of the political events in Pakistan. Even though the hallmark of Pakistani political developments and shabby deals defy any commo

Read more

loading...